KATHRYN BIGELOW

A que xa era hora? Oitenta e dous anos de óscares e ningunha muller merecera o premio á mellos dirección, non está claro se porque o mundo da dirección cinematográfica era "patrimonio" masculino ata hai nada ou porque o patrimonio dos homes era o famoso premio. Parece mentira que sexa un premio xenuinamente americano, do país que se considera exemplo de democracia e pioneiro da igualdade de sexos. Esta vez rompenseuse a tradición e unh muller, Kathryn Bigelow recibiu a prezada estatua, xusto o Día Internacional da Muller.

En tierra hostil

É o retrato dun desactivador de bombas na guerra de Irak. Katherine Bigelow ofrece adrenalina, acción e virtuosismo visual unha película bélica podería ser unha máis pero que vai pasar a historia do cine porque foi a que deu o primero Óscar a unha muller e porque algo debe ter xa que politicamente contentou tanto a republicanos, demócratas, a todos, que é complicado.

MULLERES GALEGAS ENTRE DOUS SECULOS

See more presentations by Biblioiris | Upload your own PowerPoint presentations

DÍA DA MULLER

O Día Internacional da Muller non se refíre ás grandes estrelas senón ás mulleres correntes, como artífices da historia. Afunde as súas raíces na loita secular da muller por participar na sociedade en pé de igualdade cos homes. Ao longo da historia houbo moitas manifestacións neste aspecto, así no século III a. C. en Grecia, Lisístrata comezou unha folga sexual contra os homes para poñer fin á guerra entre Esparta e Atenas, máis tarde, no século XVIII, durante a Revolución Francesa, as mulleres de París fixeron marchas ata Versalles para esixir o sufraxio feminino, mais ata finais do XIX non se fará patente a idea de celebrar un día internacional da muller. Esta idea estivo unida a industrialización e a un período de expansión e turbulencias sociais debidas ao espectacular crecemento da poboación e a aparición dos movementos obreiros e das ideoloxías que lle serviron de soporte. Durante moitos anos, nos países máis desenvolvidos as mulleres uníronse para reclamar os seus dereitos como membros activos da sociedade pero ata 1945 non houbo un recoñecemento internacional dos mesmos.
A Carta das Nacións Unidas, firmada en San Francisco en 1945 proclamou que a igualdade dos sexos era un dereito humano fundamental. Dende entón, a Organización contribuíu a crear unha serie de estratexias, normas, programas e obxectivos concertados internacionalmente para mellorar a condición da muller en todo o mundo.
Grazas a Bea polo fermoso cartel que nos ofreceu.

NOVOA SINGLADURA

A pasada semana rendiron viaxe de volta as Mochilas Viaxeiras despois dunha travesia con mar en calma. Trouxeron con elas os cadernos de viaxe dos participantes en tal singular cruceiro. Por eles soubemos que algún pequeno navegante botou en falta no menú barco "algo de poesía", que a viaxe foi moi breve e que non houbo tempo de atoparse con capitáns de quince anos, nin con Nemos, támen que as estrelas de papel fixeron perder horas de sono a algunha viaxeira, que na sala de proxección faltaba cine de acción e que había películas moi tristes, que nas adegas a carga era bastante lixeira e que houbo quen pasou a viaxe pensando que era moi afortunada por ter a oportunidade de ler tantas cousas e desexando que todos os nenos do mundo teñan sempre a oportunidade de ler contos e historias para disfrutar e aprender. Fermoso pensamento, Andrea! Algúns/has contan como compartiron mentras hai quen apuntou que gardou todo para si mesmo porque lle gusta a intimidade cos libros.

Tras un breve descanso nas areas da praia de IRIS, con nova tripulación e cargada segundo as indicacións dos primeiros exploradores, a nosa barca volveu á mar para unha nova singladura.

SALÓN DO LIBRO

Estes días está aberto no Pazo da Cultura o " Salón do Libro". Pódedes pasar por alí para facer todo o que vos di o que di o LOBO pero o que queremos é facer fincapé en que o escritor estrela deste ano, que estará alí o 14 de marzo, é Agustín Fernández Paz ao que tod@s coñecedes porque o o máis lido no noso centro.

Agustín naceu en Vilalba (Lugo) en 1947. Estudou Maxisterio, despois licenciouse en Ciencias da Educación e exerceu como profesor no instituto Os Rosais 2 de Vigo.

Moi preocupado sempre polos problemas do ensino e da Lingua Galega, estivo constantemente implicado en actividades relacionadas coa didáctica da lingua e a Normalización Lingüística e traballou intensamente neses dous campos, pero tamén traballou no da literatura onde obtivo os premios: Merlín, Lazarillo, Edebé, Asociación de Escritores en Lingua Galega e, hai dous anos, o Nacional de Literatura Infantil e Xuvenil.

Tod@s tedes lido algún dos seus libros: Cartas de Inverno, Noite de voraces sombras, Tres pasos polo misterio, Aire negro, Corredores de sombra, Contos por palabras e O único que queda é o amor.

Se aínda non lestes ningún destes libros podedes botar unha ollada ao blog do club de lectura: Camiños para saber de que van e escoller o que queredes ler. Están todos na biblioteca!

O CIRCO DA BOLBORETA

"O circo da bolboreta" é a curta gañadora do 1º premio do concurso "The Doorpost Film Project" que pretende descubrir a cineastas que busquen a través das súas obras a promoción dunha serie de valores universais. Nesta ocasión, os valores son: ESPERANZA, PERDÓN, HUMILDADE e LIBERDADE.
Esta curta foi realizada por Eduardo Verástegui con Nick Vujicic e quere mostrar a maxia de facernos poder crer que é posible un mundo mellor se cada dun nós somos mellores persoas.
A histotia mostra un circo pequeno, en plena depresión americana, que atopa un mozo sen extremidades que participaba nunha exhibición de rarezas; o director do circo e o valor do mozo logran que este descubra a súa auténtica dignidade como persoa.


SEGUNDA PARTE